عفیهعله دنیاى الماشفت بیها حنان/ وعفیه عله دهری الیطحن بگلبی طحن/ وعفیهعله وکتی شوفنی الهموم وردت اضوگ الفرح ضوگنی الحزن/ ادری یاربی امتحانک صعب حیل ردت فرحه وارتاح وانوب امتحن /وچذب کلمن گال غابه الدنیا های ? وحق الله ترى الدنیا سجن .
دگ بابی مره الفرح گلت شعجب غلطـان
لو فاقـد الـذاکره لـو تیـه الـعـنــــوان
ردوسئلنـی الفـرح،دلینـی بـیـت فــلان
مره بحیاتی الفرح اجانی وطلع سکـران
انا المکسور خاطر من الگمـاط
وانا المشلوع گلبی من الطفوله
سبع اسنین عمری وشیّب الراس
اشوف الفـرح یـمی وماانـولـه
سواهـا الزمـان اویای بـزمـاط
اخذ منـی الاریـده ابکل سهولـه
حط بیه جرح مایــرهــم اخیــاط
جرحـی مـن الجـدم للراس طوله
الفـرح موکهکهه وکلمات غـش ابچذب منضومـه
الفـرح گهوة عرب بأمضیف لورن جرس فنجانه
الفـرح عرس ابمحبّه ومابین ربعه وهله وخوّانه
الفـرح زفّـت عریـس ابلـیـل لـوزفّــته خـلانه
الفرح کلمة هـله من اطـیاب هـل شمّروذرعانه
الفـرح بیت الکـرم لـضّـیـف وامفــتّحه بـیـبانه
الفـرح رشّت مطر من غـیم لــو تنـغرت نهرانه
الفـرح تـفگه وشبل فـلاح یـل خـضّرت گـیعـانه
الفـرح فرحة طفـل لویاه ابـوه ولـمه بأحـضـانه
الفـرحخ حب الـوطن لـزّین یسری مابین شـریانه
الفـرح للّی ابتعـد واشتـاگ حـن ورجع لأوطانه
الفـرح سهرة سمرواشواگ شعر امرتّب اوزانه
الفـرح للحی ضـمـیره وما یخـا لف یوم وجدانه
الفـرح فـرحة رجـل موزون یـلّی احترم جیرانه
الفـرح للجد صدگ بألقول عد ربعه ورفع شانه
الفـرح لل کـل دغش مابـیه یلّی ابگلبه علسانه
الفـرح فارس شهـم بألکـون لوطب نزل میدانه
الفـرح مهره ورجـل خـیّال گـام ومسک بأعنانه
الفـرح لـمـة عـمام ابـعـیـدواتـزیّـنـت شـبّـانه
الفـرح لـمة احـبّه ابـلیـل هـذ الفـرح عـنـوانـه
الفـرح ضحکة طفل بلعید لو جددت اله اهدومـه
ویضل مغمور بلفرحه وبسمته ابوجهه مرسومه
الـفرح بیه الوکت واحزان بی من کل شکل کومه
الحـزن کلمـا ردت تخفیه تبقـه ابوجـهک ارسومـه
الحـزن للمـاعرف گـمره وظـلام امـترّسه افکاره
الـحـزن للفـاگد ولـیـفه ویـألـف بـأسمه اشعاره
الحـزن للـدم عـله الخـدّین دوم ادمـوعـه تجـاره
الحـزن للحصرته ابصدره ومراد ایسولف اسراره
الحـزن للّی انـفـگد کـل زین منه وضاع تـذکاره
الحـزن لـل کـل شبابه ضاع منه وضیعته اخساره
الحـزن للضل وحید ابهـیم مـحّد یـسمع اخـبـاره
الحـزن للضل یـدور ابهـیـچ دنـیه صـلـفـه دوّاره
الحـزن للّی فکـر مـاضل عـلیـه اعـصابه منهاره
الحـزن لـمـایـثـورابـیـوم وگـفـو وگـفـه ثوّاره
الحـزن للما وفه ابوعده وخسـر کـل ذاک عتباره
الحـزن للّـی الـدهر عاداه دمرواتـغـطّـه بأغـباره
الحـزن لـلّی ولـوه اعــداه گـوم اردوف غــدّاره
الحـزن لـلـهـدّ مو بـیته القـدیـم وضیعـو آثـاره
الحـزن للما یگص العـار ضـل امـد نّس ابـعـاره
الحـزن للّی گضت ایام عـمره ابعـرکه واشهاره
الحـزن للـضل یـطالـب ثار مابـی یـاخـذ ابثاره
الحـزن للّی تـرک اهله وعـمامـه وعـزّته وداره
الحـزن ماینوصف وصفه ابشـعر کلـمات مختاره
الحـزن لل اخّـره دهـره بعـد مـاچـان جـیـدومه
الحـزن علصـگر لوطـاح حیـف وصادتـه البومـه .
