سـر یا قلم و أکتب من المـدح ما طـاب

الــی جــزیـل المــدح یستـاهـلـونــه

نــاس مزایین و الـرجا فیـهـم مـا خـاب

الـروح و القلـب فـدى لهم لـو یطلبونــه

و أکتب لهم چیک محبـه مفتـوح الحســاب

یسحبون من رصید الغلى و أبد ما ینقصونه 

متعـجّـب انـتـه اتـشـوف شـابـت لـحـیـتـی

اخیـی الـربـیـت اویـاه یـتـمـنـه مــوتـــی 

گـلـبی انـتـرس آهـات راسی انترس شیـب

من کل غبی وچـذاب یـل مایعـرف العـیــب

گلت لـوکـبـــــرت ارتـــاح ابجــاه الاولاد

عافونی بأقسـه الشیـب والهـــم علــی زاد

الفـرح موکهکهه وکلمات غـش ابچذب منضومـه

الفـرح گهوة عرب بأمضیف لورن جرس فنجانه

الفـرح عرس ابمحبّه ومابین ربعه وهله وخوّانه

الفـرح زفّـت عریـس ابلـیـل لـوزفّــته خـلانه

الفرح کلمة هـله من اطـیاب هـل شمّروذرعانه

الفـرح بیت الکـرم لـضّـیـف وامفــتّحه بـیـبانه

الفـرح رشّت مطر من غـیم لــو تنـغرت نهرانه

الفـرح تـفگه وشبل فـلاح یـل خـضّرت گـیعـانه

الفـرح فرحة طفـل لویاه ابـوه ولـمه بأحـضـانه

الفـرحخ حب الـوطن لـزّین یسری مابین شـریانه

الفـرح للّی ابتعـد واشتـاگ حـن ورجع لأوطانه

الفـرح سهرة سمرواشواگ شعر امرتّب اوزانه

الفـرح للحی ضـمـیره وما یخـا لف یوم وجدانه

الفـرح فـرحة رجـل موزون یـلّی احترم جیرانه

الفـرح للجد صدگ بألقول عد ربعه ورفع شانه

الفـرح لل کـل دغش مابـیه یلّی ابگلبه علسانه

الفـرح فارس شهـم بألکـون لوطب نزل میدانه

الفـرح مهره ورجـل خـیّال گـام ومسک بأعنانه

الفـرح لـمـة عـمام ابـعـیـدواتـزیّـنـت شـبّـانه

الفـرح لـمة احـبّه ابـلیـل هـذ الفـرح عـنـوانـه

الفـرح ضحکة طفل بلعید لو جددت اله اهدومـه

ویضل مغمور بلفرحه وبسمته ابوجهه مرسومه

الـفرح بیه الوکت واحزان بی من کل شکل کومه  

الحـزن کلمـا ردت تخفیه تبقـه ابوجـهک ارسومـه

الحـزن للمـاعرف گـمره وظـلام امـترّسه افکاره

الـحـزن للفـاگد ولـیـفه ویـألـف بـأسمه اشعاره

الحـزن للـدم عـله الخـدّین دوم ادمـوعـه تجـاره

الحـزن للحصرته ابصدره ومراد ایسولف اسراره

الحـزن للّی انـفـگد کـل زین منه وضاع تـذکاره

الحـزن لـل کـل شبابه ضاع منه وضیعته اخساره

الحـزن للضل وحید ابهـیم مـحّد یـسمع اخـبـاره

الحـزن للضل یـدور ابهـیـچ دنـیه صـلـفـه دوّاره

الحـزن للّی فکـر مـاضل عـلیـه اعـصابه منهاره

الحـزن لـمـایـثـورابـیـوم وگـفـو وگـفـه ثوّاره

الحـزن للما وفه ابوعده وخسـر کـل ذاک عتباره

الحـزن للّـی الـدهر عاداه دمرواتـغـطّـه بأغـباره

الحـزن لـلّی ولـوه اعــداه گـوم اردوف غــدّاره

الحـزن لـلـهـدّ مو بـیته القـدیـم وضیعـو آثـاره

الحـزن للما یگص العـار ضـل امـد نّس ابـعـاره

الحـزن للّی گضت ایام عـمره ابعـرکه واشهاره

الحـزن للـضل یـطالـب ثار مابـی یـاخـذ ابثاره

الحـزن للّی تـرک اهله وعـمامـه وعـزّته وداره

الحـزن ماینوصف وصفه ابشـعر کلـمات مختاره

الحـزن لل اخّـره دهـره بعـد مـاچـان جـیـدومه

الحـزن علصـگر لوطـاح حیـف وصادتـه البومـه . 

 
یل هویتک وانته عأجروحی تدوس عـثّـمـن

عـنـدی الجـرح ابـدوسـک /آنـه اشـمـّـک

ورده الـتریح النفوس وانته حرّمت الـجریـح

ایبـوسک/ من اشوفک تظهر ابوجه العـبوس  

لـیـش لـلعـالم تـکـشر اضـروســک/اشگد
 
خشن ویّای کلّک مدری لیش ولیش ناعم للخلگ

ملمـوسـک /آنـه داریتـک ولـک حـق الیـقـیـن

وانـتـه بـیـه الهــسه یجرح موسک  /مـــنـّی

ماودّک ولـک تـسمـع کـلام  وآنه حافـضهــن

جـمـیـع ادروسک/ آنه اعتـز بـیـک الک عـنـدی

مـقام حـتـّه اقـلــد مـشـیـک وملـبــوسـک/

وانت غرّک هلوکت من لچنی عوز گــــــمـت

تـتـکـبّـرعلی بأفــــــلـــوســــــــــــک.